Vallalar Songs

கதிக்குவழி காட்டுகின்ற கண்ணேஎன் கண்ணில்

 கதிக்குவழி காட்டுகின்ற கண்ணேஎன் கண்ணில் 

கலந்தமணி யேமணியில் கலந்தகதிர் ஒளியே 
விதிக்கும்உல குயிர்க்குயிராய் விளங்குகின்ற சிவமே 

மெய்யுணர்ந்தோர் கையகத்தே விளங்கியதீங் கனியே 
மதிக்குமதிக் கப்புறம்போய் வயங்குதனி நிலையே 

மறைமுடிஆ கமமுடிமேல் வயங்கும்இன்ப நிறைவே 
துதிக்கும்அன்பர் தொழப்பொதுவில் நடம்புரியும் அரசே 

சொன்மாலை சூட்டுகின்றேன் தோளில்அணிந் தருளே