Vallalar Songs

ஓங்கிய பெருங்கருணை பொழிகின்ற வானமே ஒருமைநிலை உறுஞானமே

 ஓங்கிய பெருங்கருணை பொழிகின்ற வானமே ஒருமைநிலை உறுஞானமே 

உபயபத சததளமும் எனதிதய சததளத் தோங்கநடு வோங்குசிவமே 
பாங்கியல் அளித்தென்னை அறியாத ஒருசிறிய பருவத்தில் ஆண்டபதியே 

பாசநெறி செல்லாத நேசர்தமை ஈசராம் படிவைக்க வல்லபரமே 
ஆங்கியல்வ தென்றுமற் றீங்கியல்வ தென்றும்வாய் ஆடுவோர்க் கரியசுகமே 

ஆனந்த மயமாகி அதுவுங் கடந்தவெளி ஆகிநிறை கின்றநிறைவே 
தூங்கிவிழு சிறியனைத் தாங்கிஎழு கென்றெனது தூக்கந் தொலைத்ததுணையே 

துரியவெளி நடுநின்ற பெரியபொரு ளேஅருட் சோதிநட ராசகுருவே   

திருச்சிற்றம்பலம் 

--------------------------------------------------------------------------------

 சற்குருமணி மாலை 
எண்சீர்க் கழிநெடிலடி ஆசிரிய விருத்தம்